ਕਿਲੀਅਨ ਐਮਬਾਪੇ ਬਣੇ ਵਿਸ਼ਵ ਕੱਪ ਇਤਿਹਾਸ ਦੇ ਸਭ ਤੋਂ ਵੱਧ ਗੋਲ ਕਰਨ ਵਾਲੇ ਖਿਡਾਰੀ
ਫਲੋਰੀਡਾ, 19 ਜੁਲਾਈ, ਪੰਜਾਬੀ ਦੁਨੀਆ ਬਿਊਰੋ:
ਫੀਫਾ ਵਿਸ਼ਵ ਕੱਪ 2026 ਦੇ ਤੀਜੇ ਸਥਾਨ ਲਈ ਮਿਆਮੀ ਸਟੇਡੀਅਮ, ਫਲੋਰੀਡਾ ਵਿਖੇ ਖੇਡੇ ਗਏ ਰੋਮਾਂਚਕ ਮੁਕਾਬਲੇ ਵਿੱਚ ਇੰਗਲੈਂਡ ਨੇ ਫਰਾਂਸ ਨੂੰ 6-4 ਨਾਲ ਹਰਾ ਕੇ ਤੀਜਾ ਸਥਾਨ ਹਾਸਲ ਕਰਕੇ ਕਾਂਸੀ ਤਮਗਾ ਆਪਣੇ ਨਾਮ ਕਰ ਲਿਆ ਹੈ। ਇਸ ਮੈਚ ਦੇ ਹੀਰੋ ਰਹੇ ਬੁਕਾਯੋ ਸਾਕਾ ਨੇ ਸ਼ਾਨਦਾਰ ਹੈਟ੍ਰਿਕ ਲਗਾ ਕੇ ਇੰਗਲੈਂਡ ਦੀ ਜਿੱਤ ਵਿੱਚ ਅਹਿਮ ਭੂਮਿਕਾ ਨਿਭਾਈ। ਪਹਿਲੇ ਹਾਫ਼ ਦੇ ਅੰਤ ਤੱਕ ਇੰਗਲੈਂਡ 4-0 ਦੀ ਮਜ਼ਬੂਤ ਬੜਤ ਹਾਸਲ ਕਰ ਚੁੱਕਾ ਸੀ, ਜਿਸ ਨਾਲ ਫਰਾਂਸ ਦਬਾਅ ਵਿੱਚ ਆ ਗਿਆ।
ਦੂਜੇ ਹਾਫ਼ ਦੀ ਸ਼ੁਰੂਆਤ ਵਿੱਚ ਫਰਾਂਸ ਦੇ ਕੋਚ ਦਿਦੀਏ ਦੇਸ਼ਾਂਪਸ ਨੇ ਕਈ ਬਦਲਾਅ ਕੀਤੇ, ਜਿਸ ਤੋਂ ਬਾਅਦ ਟੀਮ ਨੇ ਵਾਪਸੀ ਦੀ ਕੋਸ਼ਿਸ਼ ਕੀਤੀ। ਸਟਾਰ ਫਾਰਵਰਡ ਕਿਲੀਅਨ ਐਮਬਾਪੇ ਨੇ ਦੋ ਗੋਲ ਕਰਕੇ ਆਪਣੀ ਟੀਮ ਨੂੰ ਮੁਕਾਬਲੇ ਵਿੱਚ ਬਣਾਈ ਰੱਖਿਆ। ਇਸ ਪ੍ਰਦਰਸ਼ਨ ਨਾਲ ਐਮਬਾਪੇ ਨੇ ਵਿਸ਼ਵ ਕੱਪ ਇਤਿਹਾਸ ਵਿੱਚ ਆਪਣੇ ਕੁੱਲ ਗੋਲਾਂ ਦੀ ਗਿਣਤੀ 22 ਤੱਕ ਪਹੁੰਚਾ ਦਿੱਤੀ ਅਤੇ ਉਹ ਇਸ ਟੂਰਨਾਮੈਂਟ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਧ ਗੋਲ ਕਰਨ ਵਾਲੇ ਖਿਡਾਰੀ ਬਣ ਗਏ।
ਐਮਬਾਪੇ ਨੇ ਇਹ ਉਪਲਬਧੀ ਤਿੰਨ ਵਿਸ਼ਵ ਕੱਪਾਂ ਦੌਰਾਨ ਹਾਸਲ ਕੀਤੀ ਹੈ। ਉਹ ਹੁਣ ਅਰਜਨਟੀਨਾ ਦੇ ਮਹਾਨ ਖਿਡਾਰੀ ਲਿਓਨਲ ਮੇਸੀ ਨੂੰ ਇੱਕ ਗੋਲ ਨਾਲ ਪਿੱਛੇ ਛੱਡ ਚੁੱਕੇ ਹਨ। ਮੇਸੀ ਐਤਵਾਰ ਨੂੰ ਸਪੇਨ ਖ਼ਿਲਾਫ਼ ਫਾਈਨਲ ਮੈਚ ਖੇਡਣਗੇ। ਹਾਲਾਂਕਿ ਫਰਾਂਸ ਨੇ ਅੰਤਿਮ ਪਲਾਂ ਤੱਕ ਜ਼ਬਰਦਸਤ ਵਾਪਸੀ ਦੀ ਕੋਸ਼ਿਸ਼ ਕੀਤੀ, ਪਰ ਇੰਗਲੈਂਡ ਨੇ ਆਪਣੀ ਬੜਤ ਕਾਇਮ ਰੱਖਦਿਆਂ 6-4 ਨਾਲ ਜਿੱਤ ਦਰਜ ਕਰ ਲਈ।
