ਚੰਡੀਗੜ੍ਹ, 7 ਅਕਤੂਬਰ, ਪੰਜਾਬੀ ਦੁਨੀਆ ਬਿਊਰੋ:
ਰਿਆਤ ਬਾਹਰਾ ਯੂਨੀਵਰਸਿਟੀ ਲਈ ਮਾਣ ਦੀ ਗੱਲ ਹੈ ਕਿ ਯੂਨੀਵਰਸਿਟੀ ਸਕੂਲ ਆਫ਼ ਅਲਾਈਡ ਹੈਲਥ ਸਾਇੰਸਿਜ਼ ਦੇ ਡੀਨ ਡਾ. ਪੰਕਜ ਕੌਲ ਨੂੰ ਅਸਾਮ ਸਟੇਟ ਕੌਂਸਲ ਆਫ਼ ਅਲਾਈਡ ਹੈਲਥ ਸਾਇੰਸਿਜ਼ ਦਾ ਚੇਅਰਮੈਨ ਨਿਯੁਕਤ ਕੀਤਾ ਗਿਆ ਹੈ।
ਡਾ. ਕੌਲ, ਜੋ ਕਿ ਮੈਡੀਕਲ ਲੈਬੋਰਟਰੀ ਅਤੇ ਅਲਾਈਡ ਹੈਲਥ ਸਾਇੰਸਿਜ਼ ਖੇਤਰ ਵਿੱਚ ਦਹਾਕਿਆਂ ਦਾ ਤਜਰਬਾ ਰੱਖਦੇ ਹਨ, ਪੀ.ਜੀ.ਆਈ.ਐਮ.ਈ.ਆਰ. ਚੰਡੀਗੜ੍ਹ ਤੋਂ ਸੇਵਾਮੁਕਤ ਹੋਏ ਸਨ। ਉਨ੍ਹਾਂ ਨੇ ਦੇਸ਼ ਵਿੱਚ ਅਲਾਈਡ ਹੈਲਥ ਸਿੱਖਿਆ ਅਤੇ ਟ੍ਰੇਨਿੰਗ ਦੇ ਖੇਤਰ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ। ਉਨ੍ਹਾਂ ਦੀ ਇਹ ਨਿਯੁਕਤੀ ਉਨ੍ਹਾਂ ਦੇ ਵਿਦਿਅਕ ਉਤਕ੍ਰਿਸ਼ਟਤਾ, ਨੇਤ੍ਰਿਤਵ ਗੁਣਾਂ ਅਤੇ ਅਲਾਈਡ ਹੈਲਥ ਪੇਸ਼ੇਵਰਾਂ ਦੇ ਭਵਿੱਖ ਨੂੰ ਨਵੀਂ ਦਿਸ਼ਾ ਦੇਣ ਵਾਲੀ ਦੂਰਦਰਸ਼ੀ ਸੋਚ ਦੀ ਪ੍ਰਤੀਕ ਹੈ।
ਡਾ. ਕੌਲ ਕੇਂਦਰ ਸਰਕਾਰ ਦੇ ਸਿਹਤ ਅਤੇ ਪਰਿਵਾਰ ਕਲਿਆਣ ਮੰਤਰਾਲੇ ਦੀ ਟਾਸਕ ਫੋਰਸ ਕਮੇਟੀ ਦੇ ਮੈਂਬਰ- ਰਹਿ ਚੁੱਕੇ ਹਨ, ਜਿਸ ਨੇ 2016 ਵਿੱਚ ਮੈਡੀਕਲ ਲੈਬੋਰਟਰੀ ਸਾਇੰਸ ਕਰੀਕੁਲਮ ਨੂੰ ਨਵੀਂ ਰੂਪਰੇਖਾ ਦਿੱਤੀ ਸੀ। ਇਸ ਤੋਂ ਇਲਾਵਾ, ਉਹ ਹੈਲਥ ਸਿਸਟਮਜ਼ ਟ੍ਰਾਂਸਫਾਰਮੇਸ਼ਨ ਪਲੇਟਫਾਰਮ, ਨਵੀਂ ਦਿੱਲੀ ਵੱਲੋਂ 2022 ਵਿੱਚ ਓਡੀਸ਼ਾ ਸਰਕਾਰ ਦੇ ਸਿਹਤ ਵਿਭਾਗ ਲਈ ਪ੍ਰਾਇਮਰੀ ਹੈਲਥ ਸੈਂਟਰਾਂ ਦੇ ਮੈਡੀਕਲ ਲੈਬ ਟੈਕਨੋਲੋਜਿਸਟਾਂ ਅਤੇ ਪ੍ਰੋਫੈਸ਼ਨਲਾਂ ਦੀ ਘੱਟੋ-ਘੱਟ ਯੋਗਤਾ ਮਿਆਰੀ ਤਿਆਰ ਕਰਨ ਵਿੱਚ ਵੀ ਸ਼ਾਮਲ ਰਹੇ ਹਨ।
ਡਾ. ਕੌਲ 119 ਵਾਰ ਤੋਂ ਵੱਧ ਖੂਨ ਦਾਨ ਕਰਨ ਵਾਲੇ ਸੈਂਚਰੀ ਵਾਲੰਟੀਅਰ ਬਲੱਡ ਡੋਨਰ ਹਨ। ਉਨ੍ਹਾਂ ਨੇ ਆਪਣਾ ਸ਼ਰੀਰ, ਅੱਖਾਂ ਅਤੇ ਅੰਗ ਪੀ.ਜੀ.ਆਈ.ਐਮ.ਈ.ਆਰ., ਚੰਡੀਗੜ੍ਹ ਦੇ ਰੋਟੋ ਨੂੰ ਦਾਨ ਕਰਨ ਦਾ ਵਾਅਦਾ ਵੀ ਕੀਤਾ ਹੈ।
ਰਿਆਤ ਬਾਹਰਾ ਯੂਨੀਵਰਸਿਟੀ ਪਰਿਵਾਰ ਨੇ ਡਾ. ਕੌਲ ਨੂੰ ਇਸ ਵਿਸ਼ੇਸ਼ ਪ੍ਰਾਪਤੀ ਲਈ ਦਿਲੋਂ ਵਧਾਈ ਦਿੱਤੀ ਹੈ ਅਤੇ ਉਨ੍ਹਾਂ ਲਈ ਭਵਿੱਖ ਲਈ ਸ਼ੁਭ ਕਾਮਨਾਵਾਂ ਪ੍ਰਗਟ ਕੀਤੀਆਂ ਹਨ। ਉਨ੍ਹਾਂ ਦਾ ਇਹ ਨੇਤ੍ਰਿਤਵ ਅਸਾਮ ਵਿਚ ਅਲਾਈਡ ਹੈਲਥ ਸਾਇੰਸਿਜ਼ ਦੀ ਸਿੱਖਿਆ ਅਤੇ ਅਭਿਆਸ ਨੂੰ ਹੋਰ ਮਜ਼ਬੂਤ ਕਰੇਗਾ ਅਤੇ ਦੇਸ਼ ਭਰ ਦੇ ਨੌਜਵਾਨ ਪੇਸ਼ੇਵਰਾਂ ਲਈ ਪ੍ਰੇਰਣਾ ਬਣੇਗਾ।
