ਅਹਿਮਦਾਬਾਦ, 13 ਜੂਨ, ਪੰਜਾਬੀ ਦੁਨੀਆ ਬਿਊਰੋ:
ਗੁਜਰਾਤ ਲਈ ਵੀਰਵਾਰ ਦਾ ਦਿਨ (12 ਜੂਨ) ਸਭ ਤੋਂ ਦੁਖਦਾਈ ਦਿਨ ਸੀ। ਅਹਿਮਦਾਬਾਦ ਤੋਂ ਲੰਡਨ ਜਾ ਰਹੇ ਏਅਰ ਇੰਡੀਆ ਦਾ ਇੱਕ ਜਹਾਜ਼ ਦੇ ਹਾਦਸਾਗ੍ਰਸਤ ਹੋਣ ਨਾਲ 265 ਤੋਂ ਵੱਧ ਲੋਕਾਂ ਦੀ ਜਾਨ ਚਲੀ ਗਈ। ਜਿਸ ਵਿੱਚ ਗੁਜਰਾਤ ਦੇ ਸਾਬਕਾ ਮੁੱਖ ਮੰਤਰੀ ਵਿਜੇ ਰੂਪਾਨੀ ਦੀ ਵੀ ਮੌਤ ਹੋ ਗਈ।
ਜ਼ਿਕਰਯੋਗ ਹੈ ਕਿ ਜਿਸ ਦਿਨ ਉਨ੍ਹਾਂ ਦੀ ਮੌਤ ਹੋਈ, ਉਹ 12/06/2025 ਸੀ, ਜੋ ਕਿ ਸੰਖੇਪ ਵਿੱਚ 12/06 ਹੈ। ਸਾਬਕਾ ਮੁੱਖ ਮੰਤਰੀ ਰੂਪਾਨੀ ਦਾ 1206 ਮਨਪਸੰਦ ਨੰਬਰ ਸੀ। ਉਨ੍ਹਾਂ ਨੇ ਆਪਣੀ ਕਾਰ, ਦੋਪਹੀਆ ਵਾਹਨ ਦਾ ਨੰਬਰ 1206 ਰੱਖਿਆ। ਇਤਫ਼ਾਕ ਨਾਲ, ਉਨ੍ਹਾਂ ਦੀ ਵੀ ਇੱਕ ਜਹਾਜ਼ ਹਾਦਸੇ ਵਿੱਚ ਮੌਤ 12-06 ਨੂੰ ਹੋ ਗਈ। ਹਾਲਾਂਕਿ, ਹਾਦਸਾਗ੍ਰਸਤ ਹੋਏ ਜਹਾਜ਼ ਵਿੱਚ ਉਨ੍ਹਾਂ ਦਾ ਸੀਟ ਨੰਬਰ ਵੀ 12 ਸੀ। ਕਿਹਾ ਜਾਂਦਾ ਹੈ ਕਿ 1206 ਰੂਪਾਨੀ ਦਾ ਲੱਕੀ ਨੰਬਰ ਸੀ ਜਦਕਿ ਉਹਨਾਂ ਲਈ ਇਹੀ ਨੰਬਰ ‘ਅਨਲੱਕੀ’ ਸਾਬਤ ਹੋਇਆ।
