ਛੋਟੇ ਅਤੇ ਮੱਧ ਵਰਗ ਦੇ ਗਾਹਕਾਂ ਦੀ ਜੇਬ ‘ਤੇ ਪਏਗਾ ਸਿੱਧਾ ਅਸਰ!
ਨਵੀਂ ਦਿੱਲੀ / ਚੰਡੀਗੜ੍ਹ, 16 ਅਗਸਤ, ਪੰਜਾਬੀ ਦੁਨੀਆ ਬਿਊਰੋ :
HDFC ਬੈਂਕ ਨੇ ਆਪਣੇ ਬਚਤ ਖਾਤਾ ਧਾਰਕਾਂ ਲਈ ਨਕਦ ਲੈਣ-ਦੇਣ ਦੇ ਨਿਯਮਾਂ ਵਿੱਚ ਵੱਡਾ ਬਦਲਾਅ ਕੀਤਾ ਹੈ। ਹੁਣ ਗਾਹਕਾਂ ਨੂੰ ਹਰ ਮਹੀਨੇ ਸਿਰਫ਼ 1 ਲੱਖ ਰੁਪਏ ਤੱਕ ਦੇ ਨਕਦ ਲੈਣ-ਦੇਣ (ਸਵੈ ਅਤੇ ਤੀਜੀ-ਧਿਰ ਦੋਵੇਂ) ਮੁਫ਼ਤ ਮਿਲਣਗੇ, ਜਦੋਂ ਕਿ ਪਹਿਲਾਂ ਇਹ ਸੀਮਾ 2 ਲੱਖ ਰੁਪਏ ਸੀ।
ਮੁਫ਼ਤ ਲੈਣ-ਦੇਣ ਦੀ ਗਿਣਤੀ ਪਹਿਲਾਂ ਵਾਂਗ ਚਾਰ ਰਹੇਗੀ, ਪਰ ਇਸ ਤੋਂ ਬਾਅਦ, ਹਰ ਲੈਣ-ਦੇਣ ‘ਤੇ 150 ਰੁਪਏ ਵਾਧੂ ਚਾਰਜ ਲਏ ਜਾਣਗੇ। ਬੈਂਕ ਦੇ ਇਸ ਫੈਸਲੇ ਦਾ ਛੋਟੇ ਅਤੇ ਮੱਧ ਵਰਗ ਦੇ ਗਾਹਕਾਂ ਦੀ ਜੇਬ ‘ਤੇ ਸਿੱਧਾ ਅਸਰ ਪੈ ਸਕਦਾ ਹੈ।
ਨਕਦ ਲੈਣ-ਦੇਣ ‘ਤੇ ਨਵੇਂ ਨਿਯਮਾਂ ਮੁਤਾਬਕ ਹੁਣ ਹਰੇਕ ਖਾਤੇ ‘ਤੇ ਸਿਰਫ਼ 4 ਮੁਫ਼ਤ ਨਕਦ ਲੈਣ-ਦੇਣ ਉਪਲਬਧ ਹੋਣਗੇ ਅਤੇ 4 ਤੋਂ ਵੱਧ ਲੈਣ-ਦੇਣ ਕਰਨ ‘ਤੇ, ਪ੍ਰਤੀ ਲੈਣ-ਦੇਣ 150 ਰੁਪਏ ਦੇਣੇ ਪੈਣਗੇ। ਉਪਰੰਤ ਮੁਫ਼ਤ ਸੀਮਾ ਤੋਂ ਬਾਅਦ, ਪ੍ਰਤੀ 1,000 ਰੁਪਏ ‘ਤੇ 5 ਰੁਪਏ ਜਾਂ ਘੱਟੋ-ਘੱਟ 150 ਰੁਪਏ ਦਾ ਚਾਰਜ ਨਕਦ ਲੈਣ-ਦੇਣ ‘ਤੇ ਲਗਾਇਆ ਜਾਵੇਗਾ। ਜਦਕਿ ਤੀਜੀ-ਧਿਰ ਦੇ ਨਕਦ ਲੈਣ-ਦੇਣ ਲਈ ਰੋਜ਼ਾਨਾ ਸੀਮਾ ਸਿਰਫ਼ 25,000 ਰੁਪਏ ਹੀ ਰਹੇਗੀ।
ਇਸੇ ਤਰ੍ਹਾਂ NEFT ਟ੍ਰਾਂਸਫਰ ਚਾਰਜ ਹੁਣ 10,000 ਰੁਪਏ ਤੱਕ: 2 ਰੁਪਏ, 10,000 ਰੁਪਏ ਤੋਂ 1 ਲੱਖ ਰੁਪਏ: 4 ਰੁਪਏ, 1 ਲੱਖ ਰੁਪਏ ਤੋਂ 2 ਲੱਖ ਰੁਪਏ: 14 ਰੁਪਏ ਜਦਕਿ 2 ਲੱਖ ਰੁਪਏ ਤੋਂ ਵੱਧ: 24 ਰੁਪਏ ਹੋਣਗੇ।
ਇਸੇ ਤਰ੍ਹਾਂ RTGS ਟ੍ਰਾਂਸਫਰ ਚਾਰਜ ਹੁਣ 2 ਲੱਖ ਰੁਪਏ ਤੋਂ 5 ਲੱਖ ਰੁਪਏ: 20 ਰੁਪਏ ਅਤੇ 5 ਲੱਖ ਰੁਪਏ ਤੋਂ ਵੱਧ: 45 ਰੁਪਏ ਹੋਣਗੇ।
ਇਸ ਤੋਂ ਇਲਾਵਾ IMPS ਟ੍ਰਾਂਸਫਰ ਚਾਰਜ ਹੁਣ 1,000 ਰੁਪਏ ਤੱਕ: 2.50 ਰੁਪਏ, 1,000 ਰੁਪਏ ਤੋਂ 1 ਲੱਖ ਰੁਪਏ: 5 ਰੁਪਏ ਅਤੇ 1 ਲੱਖ ਰੁਪਏ ਤੋਂ ਵੱਧ: 15 ਰੁਪਏ ਹੋਣਗੇ। ਜਦਕਿ ECS ਅਤੇ ACH ਰਿਟਰਨ ਚਾਰਜ – ਪਹਿਲੀ ਵਾਰ ਰਿਟਰਨ: 450 ਰੁਪਏ (ਸੀਨੀਅਰ ਸਿਟੀਜ਼ਨ – 400 ਰੁਪਏ), ਦੂਜੀ ਵਾਰ: 500 ਰੁਪਏ (ਸੀਨੀਅਰ ਸਿਟੀਜ਼ਨ – 450 ਰੁਪਏ) ਜਦਕਿ ਤੀਜੀ ਵਾਰ ਤੋਂ ਬਾਅਦ: 550 ਰੁਪਏ (ਸੀਨੀਅਰ ਸਿਟੀਜ਼ਨ – 500 ਰੁਪਏ) ਹੋਣਗੇ।
