ਚੈਂਪੀਅਨਸ ਟਰਾਫੀ ਟੂਰ 15 ਤੋਂ 26 ਜਨਵਰੀ 2025 ਤੱਕ ਭਾਰਤ ਵਿੱਚ ਚੱਲੇਗਾ
ਨਵੀਂ ਦਿੱਲੀ, 16 ਨਵੰਬਰ, ਪੰਜਾਬੀ ਦੁਨੀਆ ਬਿਊਰੋ :
ਪਾਕਿਸਤਾਨ ਦੀ ਮੇਜ਼ਬਾਨੀ ‘ਚ ਖੇਡੇ ਜਾਣ ਵਾਲੇ ਆਈਸੀਸੀ ਚੈਂਪੀਅਨਜ਼ ਟਰਾਫੀ-2025 ਦੇ ਸ਼ਡਿਊਲ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ। ਇਸ ਲਈ ਪਾਕਿਸਤਾਨ ਕ੍ਰਿਕਟ ਬੋਰਡ ਜ਼ੋਰਦਾਰ ਤਿਆਰੀਆਂ ਕਰ ਰਿਹਾ ਹੈ। ਇਸ ਦੌਰਾਨ ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਹਾਲ ਹੀ ‘ਚ ਕੁਝ ਅਜਿਹਾ ਕੀਤਾ ਸੀ, ਜਿਸ ਕਾਰਨ ਕਾਫੀ ਹੰਗਾਮਾ ਹੋਇਆ ਸੀ।
ਰਿਪੋਰਟਾਂ ਮੁਤਾਬਕ ਬੀਸੀਸੀਆਈ ਸਕੱਤਰ ਜੈ ਸ਼ਾਹ ਨੇ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ ਦੇ ਸ਼ਹਿਰਾਂ ਵਿੱਚ ਟਰਾਫੀ ਦਾ ਦੌਰਾ ਕਰਨ ਦੇ ਕਦਮ ‘ਤੇ ਸਖ਼ਤ ਇਤਰਾਜ਼ ਕੀਤਾ ਸੀ। ਇਸ ਘਟਨਾ ਤੋਂ ਬਾਅਦ, ਆਈਸੀਸੀ ਨੇ ਪੀਸੀਬੀ ਨੂੰ ਕਿਸੇ ਵੀ ਵਿਵਾਦਿਤ ਪੀਓਕੇ ਵਿੱਚ ਚੈਂਪੀਅਨਜ਼ ਟਰਾਫੀ ਟੂਰ ਲੈਣ ਦੀ ਇਜਾਜ਼ਤ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਅਜਿਹੇ ‘ਚ ਹੁਣ ਆਈ.ਸੀ.ਸੀ. ਨੇ ਕੋਈ ਵੱਡਾ ਐਲਾਨ ਨਹੀਂ ਕੀਤਾ ਹੈ। ਹੁਣ ਚੈਂਪੀਅਨਸ ਟਰਾਫੀ ਟੂਰ ਪੀਓਕੇ ਨਹੀਂ ਜਾਵੇਗਾ। ਆਈਸੀਸੀ ਨੇ ਨਵੇਂ ਸ਼ਹਿਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਹੈ, ਇਸ ਵਾਰ ਆਈਸੀਸੀ ਦੁਆਰਾ ਚੁਣੇ ਗਏ ਨਵੇਂ ਸ਼ਹਿਰਾਂ ਵਿੱਚ ਪੀਓਕੇ ਦਾ ਕੋਈ ਵੀ ਸ਼ਹਿਰ ਸ਼ਾਮਲ ਨਹੀਂ ਹੈ।
ਆਈਸੀਸੀ ਦੇ ਨਵੇਂ ਸ਼ਡਿਊਲ ਮੁਤਾਬਕ ਚੈਂਪੀਅਨਸ ਟਰਾਫੀ 16 ਨਵੰਬਰ ਨੂੰ ਇਸਲਾਮਾਬਾਦ, 17 ਨਵੰਬਰ ਨੂੰ ਟੈਕਸਲਾ ਤੇ ਖਾਨਪੁਰ, 18 ਨਵੰਬਰ ਨੂੰ ਐਬਟਾਬਾਦ, 19 ਨਵੰਬਰ ਨੂੰ ਮਰੀ, 20 ਨਵੰਬਰ ਨੂੰ ਨੱਥੀਆ ਗਲੀ ਅਤੇ 22 ਤੋਂ 25 ਨਵੰਬਰ ਨੂੰ ਕਰਾਚੀ ਦਾ ਦੌਰਾ ਕਰੇਗੀ। ਇਸ ਤੋਂ ਬਾਅਦ ਇਹ ਟਰਾਫੀ ਬਾਕੀ 7 ਦੇਸ਼ਾਂ ਨੂੰ ਭੇਜੀ ਜਾਵੇਗੀ, ਜੋ ਇਸ ਟੂਰਨਾਮੈਂਟ ‘ਚ ਖੇਡਣਗੇ। ਇਸ ਵਿੱਚ ਭਾਰਤ ਦਾ ਨਾਂ ਵੀ ਸ਼ਾਮਲ ਹੈ। ਚੈਂਪੀਅਨਸ ਟਰਾਫੀ ਟੂਰ 15 ਜਨਵਰੀ 2005 ਤੋਂ 26 ਜਨਵਰੀ 2025 ਤੱਕ ਭਾਰਤ ਵਿੱਚ ਚੱਲੇਗਾ, ਜਿਸ ਤੋਂ ਬਾਅਦ ਟਰਾਫੀ ਵਾਪਸ ਪਾਕਿਸਤਾਨ ਚਲੀ ਜਾਵੇਗੀ ਕਿਉਂਕਿ ਇਹ ਟੂਰਨਾਮੈਂਟ ਦਾ ਮੇਜ਼ਬਾਨ ਹੈ।
