ਬੀਤੇ 40 ਦਿਨਾਂ ਵਿੱਚ 5ਵਾਂ ਹੈਲੀਕਾਪਟਰ ਹਾਦਸਾ
ਕੇਦਾਰਨਾਥ, 15 ਜੂਨ, ਪੰਜਾਬੀ ਦੁਨੀਆ ਬਿਊਰੋ:
ਉੱਤਰਾਖੰਡ ਦੇ ਕੇਦਾਰਨਾਥ ਵਿੱਚ ਅੱਜ ਐਤਵਾਰ ਉਡਾਣ ਭਰਨ ਤੋਂ ਥੋੜ੍ਹੀ ਦੇਰ ਬਾਅਦ ਸੱਤ ਲੋਕਾਂ ਸਮੇਤ ਇੱਕ ਹੈਲੀਕਾਪਟਰ ਦੇ ਹਾਦਸਾਗ੍ਰਸਤ ਹੋਣ ਕਾਰਨ ਘੱਟੋ-ਘੱਟ 7 ਲੋਕਾਂ ਦੀ ਮੌਤ ਹੋਣ ਦੀ ਖਬਰ ਹੈ।
ਇਹ ਉਤਰਾਖੰਡ ਵਿੱਚ ਲਗਭਗ 40 ਦਿਨਾਂ ਵਿੱਚ ਪੰਜਵਾਂ ਹੈਲੀਕਾਪਟਰ ਹਾਦਸਾ ਹੈ। ਹੈਲੀਕਾਪਟਰ ਕੇਦਾਰਨਾਥ ਤੋਂ ਗੁਪਤਕਾਸ਼ੀ ਜਾ ਰਿਹਾ ਸੀ। 10 ਮਿੰਟ ਦੀ ਯਾਤਰਾ ਦੌਰਾਨ, ਹੈਲੀਕਾਪਟਰ ਗੌਰੀਕੁੰਡ ਅਤੇ ਸੋਨਪ੍ਰਯਾਗ ਦੇ ਵਿਚਕਾਰ ਹਾਦਸਾਗ੍ਰਸਤ ਹੋ ਗਿਆ।
ਉਤਰਾਖੰਡ ਸਿਵਲ ਏਵੀਏਸ਼ਨ ਡਿਵੈਲਪਮੈਂਟ ਅਥਾਰਟੀ (ਯੂ.ਸੀ.ਏ.ਡੀ.ਏ.) ਵੱਲੋਂ ਜਾਰੀ ਬਿਆਨ ਅਨੁਸਾਰ, ਇਹ ਘਟਨਾ ਸਵੇਰੇ 5:20 ਵਜੇ ਵਾਪਰੀ, ਜਿਸ ਵਿੱਚ ਸੱਤ ਲੋਕ ਸਵਾਰ ਸਨ – ਛੇ ਸ਼ਰਧਾਲੂ (ਪੰਜ ਬਾਲਗ ਅਤੇ ਇੱਕ ਬੱਚਾ) ਅਤੇ ਇੱਕ ਪਾਇਲਟ। ਇਹ ਯਾਤਰੀ ਉਤਰਾਖੰਡ, ਉੱਤਰ ਪ੍ਰਦੇਸ਼, ਮਹਾਰਾਸ਼ਟਰ ਅਤੇ ਗੁਜਰਾਤ ਦੇ ਸਨ।
