ਮੋਹਾਲੀ, 13 ਜੁਲਾਈ, ਪੰਜਾਬੀ ਦੁਨੀਆ ਬਿਊਰੋ :
ਆਪਣੇ ਰੋਬੋਟਿਕ ਸਰਜੀਕਲ ਪ੍ਰੋਗਰਾਮ ਦਾ ਵਿਸਥਾਰ ਕਰਦੇ ਹੋਏ ਮੈਕਸ ਹਸਪਤਾਲ, ਮੋਹਾਲੀ ਨੇ ਸ਼ੁੱਕਰਵਾਰ ਨੂੰ ਜੁਆਇੰਟ ਰਿਪਲੇਸਮੈਂਟ ਸਰਜਰੀ ਲਈ CORI ਸਰਜੀਕਲ ਰੋਬੋਟ ਲਾਂਚ ਕਰਨ ਦਾ ਐਲਾਨ ਕੀਤਾ ਹੈ। ਰੋਬੋਟਿਕ ਰਿਪਲੇਸਮੈਂਟ ਲਈ ਇਹ ਅਤਿ-ਆਧੁਨਿਕ ਰੋਬੋਟਿਕ ਪ੍ਰਣਾਲੀ ਸਰਜਨਾਂ ਨੂੰ ਵਧੇਰੇ ਮਦਦ ਕਰਦੀ ਹੈ। CORI ਸਰਜੀਕਲ ਰੋਬੋਟ ਦੀ ਸ਼ੁਰੂਆਤ ਦੇ ਨਾਲ, ਮੈਕਸ ਟ੍ਰਾਈਸਿਟੀ ਦਾ ਪਹਿਲਾ ਹਸਪਤਾਲ ਬਣ ਗਿਆ ਹੈ ਜੋ ਰੋਬੋਟਿਕ ਹਿੱਪ ਰਿਪਲੇਸਮੈਂਟ ਸਰਜਰੀ ਸੰਭਵ ਹੋਵੇਗੀ।
ਅੱਜ ਇੱਥੇ ਇੱਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ, ਪੀਜੀਆਈ ਦੇ ਸਾਬਕਾ ਪ੍ਰੋਫੈਸਰ ਅਤੇ ਮੈਕਸ ਵਿਖੇ ਆਰਥੋਪੈਡਿਕਸ ਅਤੇ ਜੁਆਇੰਟ ਰਿਪਲੇਸਮੈਂਟ ਦੇ ਪ੍ਰਿੰਸੀਪਲ ਡਾਇਰੈਕਟਰ ਪ੍ਰੋਫੈਸਰ ਰਮੇਸ਼ ਸੇਨ ਨੇ ਕਿਹਾ, “ਇਹ ਨਵੀਂ ਰੋਬੋਟਿਕ ਨੈਵੀਗੇਸ਼ਨ ਤਕਨਾਲੋਜੀ ਮਰੀਜ਼ਾਂ ਨੂੰ ਮਜ਼ਬੂਤ ਤਕਨਾਲੋਜੀ ਅਤੇ ਸੀਨੀਅਰ ਡਾਕਟਰਾਂ ਦਾ ਤਜਰਬਾ ਪ੍ਰਦਾਨ ਕਰਦੀ ਹੈ। ਰੋਬੋਟਿਕ ਜੁਆਇੰਟ ਰਿਪਲੇਸਮੈਂਟ ਸਰਜਰੀ ਦੇ ਰਵਾਇਤੀ ਜੁਆਇੰਟ ਰਿਪਲੇਸਮੈਂਟ ਸਰਜਰੀ ਨਾਲੋਂ ਕਈ ਫਾਇਦੇ ਹਨ। ਇਹਨਾਂ ਲਾਭਾਂ ਵਿੱਚ ਘੱਟ ਚੀਰਾ, ਬਿਹਤਰ ਨਤੀਜੇ, ਜਲਦੀ ਰਾਹਤ, ਅਤੇ ਘੱਟ ਰਿਕਵਰੀ ਸਮਾਂ ਸ਼ਾਮਲ ਹਨ।
ਇਸ ਉੱਨਤ ਤਕਨਾਲੋਜੀ ਦੇ ਨਾਲ, ਸਰਜਨ ਉੱਚ-ਰੈਜ਼ੋਲਿਊਸ਼ਨ 3D ਵਿਜ਼ਨ ਸਿਸਟਮ ਦੀ ਵਰਤੋਂ ਕਰਦੇ ਹੋਏ ਕੁਝ ਚੀਰਿਆਂ ਰਾਹੀਂ ਓਪਰੇਸ਼ਨ ਕਰਦੇ ਹਨ। ਇਹ ਤਕਨੀਕ ਉਹਨਾਂ ਮਰੀਜ਼ਾਂ ਦੇ ਇਲਾਜ ਵਿੱਚ ਸਫਲ ਰਹੀ ਹੈ ਜੋ ਜੋੜਾਂ ਦੀਆਂ ਕਈ ਗੁੰਝਲਦਾਰ ਸਮੱਸਿਆਵਾਂ ਤੋਂ ਪੀੜਤ ਹਨ।
ਇਸ ਦੌਰਾਨ, ਮੈਕਸ ਵਿਖੇ ਆਰਥੋਪੈਡਿਕਸ ਵਿਭਾਗ ਵਿੱਚ ਸੀਨੀਅਰ ਡਾਕਟਰਾਂ ਦੀ ਇੱਕ ਟੀਮ ਸ਼ਾਮਲ ਹੈ ਜਿਸ ਵਿੱਚ ਡਾਇਰੈਕਟਰ ਆਰਥੋਪੈਡਿਕਸ ਅਤੇ ਜੁਆਇੰਟ ਰੀਪਲੇਸਮੈਂਟ ਡਾ ਜਤਿੰਦਰ ਸਿੰਗਲਾ, ਡਾਇਰੈਕਟਰ ਆਰਥੋਪੈਡਿਕਸ ਅਤੇ ਜੁਆਇੰਟ ਰੀਪਲੇਸਮੈਂਟ ਡਾ. ਅਜੇ ਭਾਂਬਰੀ ਅਤੇ ਪ੍ਰਿੰਸੀਪਲ ਕੰਸਲਟੈਂਟ ਆਰਥੋਪੈਡਿਕਸ ਅਤੇ ਜੁਆਇੰਟ ਰੀਪਲੇਸਮੈਂਟ ਡਾ. ਗੌਰਵ ਸੈਣੀ ਸ਼ਾਮਲ ਹਨ।
