ਬੈਂਕਾਕ, 21 ਨਵੰਬਰ, ਪੰਜਾਬੀ ਦੁਨੀਆ ਬਿਊਰੋ:
ਮੈਕਸੀਕੋ ਦੀ ਫਾਤਿਮਾ ਬੋਸ਼ ਨੇ ਮਿਸ ਯੂਨੀਵਰਸ 2025 ਦਾ ਤਾਜ ਜਿੱਤ ਲਿਆ ਹੈ, ਜਦਕਿ ਮਿਸ ਥਾਈਲੈਂਡ ਨੂੰ ਰਨਰ-ਅੱਪ ਦਾ ਖਿਤਾਬ ਮਿਲਿਆ ਹੈ। 25 ਸਾਲਾ ਫਾਤਿਮਾ ਬੋਸ਼ ਇੱਕ ਫੈਸ਼ਨ ਡਿਜ਼ਾਈਨਰ ਹੈ ਜਿਸਨੇ ਸੰਯੁਕਤ ਰਾਜ ਅਤੇ ਇਟਲੀ ਦੋਵਾਂ ਵਿੱਚ ਸਿਖਲਾਈ ਲਈ ਹੈ।
ਭਾਰਤ ਦੀ ਮਨਿਕਾ ਵਿਸ਼ਵਕਰਮਾ ਟੌਪ 12 ਰਾਊਂਡ ਵਿੱਚੋਂ ਬਾਹਰ ਹੋ ਗਈ। ਦੱਸਣਯੋਗ ਹੈ ਕਿ 2021 ਤੋਂ ਹਰਨਾਜ਼ ਕੌਰ ਸੰਧੂ ਦੁਆਰਾ ਜਿੱਤੇ ਗਏ ਤਾਜ ਤੋਂ ਬਾਅਦ ਭਾਰਤ ਨੂੰ ਤਾਜ ਜਿੱਤਣ ਦੀਆਂ ਉਮੀਦਾਂ ਨੂੰ ਬੂਰ ਨਹੀਂ ਪਿਆ।
ਫਾਈਨਲ ਵਿੱਚ ਪੁੱਜਣ ਵਾਲੀਆਂ ਸੁੰਦਰੀਆਂ ਵਿੱਚ ਚਿਲੀ, ਕੋਲੰਬੀਆ, ਕਿਊਬਾ, ਗੁਆਡੇਲੂਪ, ਮੈਕਸੀਕੋ, ਪੋਰਟੋ ਰੀਕੋ, ਵੈਨੇਜ਼ੁਏਲਾ, ਚੀਨ, ਫਿਲੀਪੀਨਜ਼, ਥਾਈਲੈਂਡ, ਮਾਲਟਾ ਅਤੇ ਕੋਟ ਡੀ’ਆਈਵਰ ਸ਼ਾਮਲ ਹਨ। ਇਸ ਸਾਲ, ਭਾਰਤ ਦੀ ਬੈਡਮਿੰਟਨ ਲੀਜੈਂਡ, ਸਾਇਨਾ ਨੇਹਵਾਲ, ਮੁਕਾਬਲੇ ਲਈ ਜੱਜਾਂ ਦੇ ਪੈਨਲ ਵਿੱਚ ਸੀ।
ਰਾਜਸਥਾਨ ਦੇ ਗੰਗਾਨਾਗਾ ਤੋਂ ਰਹਿਣ ਵਾਲੀ, ਮਨਿਕਾ ਵੱਖ-ਵੱਖ ਦੇਸ਼ਾਂ ਦੇ 100 ਤੋਂ ਵੱਧ ਪ੍ਰਤੀਨਿਧੀਆਂ ਦੇ ਨਾਲ ਮੁਕਾਬਲਾ ਕੀਤਾ। ਜ਼ਿਕਰਯੋਗ ਹੈ ਕਿ ਭਾਰਤ ਨੇ ਤਿੰਨ ਵਾਰ ਮਿਸ ਯੂਨੀਵਰਸ ਦਾ ਖਿਤਾਬ ਜਿੱਤਿਆ ਹੈ: 1994 ਵਿੱਚ ਸੁਸ਼ਮਿਤਾ ਸੇਨ, 2000 ਵਿੱਚ ਲਾਰਾ ਦੱਤਾ ਅਤੇ 2021 ਵਿੱਚ ਹਰਨਾਜ਼ ਸੰਧੂ ਜੇਤੂ ਰਹੀ।
