ਨਵੀਂ ਦਿੱਲੀ, 15 ਜੁਲਾਈ, ਪੰਜਾਬੀ ਦੁਨੀਆ ਬਿਊਰੋ :
ਐਕਸੀਓਮ-4 ਮਿਸ਼ਨ ‘ਤੇ ਸਵਾਰ ਭਾਰਤ ਦੇ ਪੁਲਾੜ ਯਾਤਰੀ ਅਤੇ ਗਰੁੱਪ ਕੈਪਟਨ ਸ਼ੁਭਾਂਸ਼ੂ ਸ਼ੁਕਲਾ, ਮੰਗਲਵਾਰ ਦੁਪਹਿਰ ਨੂੰ ਆਪਣੀ ਇਤਿਹਾਸਕ ਪੁਲਾੜ ਯਾਤਰਾ ਤੋਂ ਬਾਅਦ ਸੁਰੱਖਿਅਤ ਧਰਤੀ ‘ਤੇ ਵਾਪਸ ਪਰਤ ਆਏ ਹਨ। ਸਪੇਸਐਕਸ ਕਰੂ ਡਰੈਗਨ ਕੈਪਸੂਲ ਗ੍ਰੇਸ, ਸ਼ੁਕਲਾ ਅਤੇ ਤਿੰਨ ਹੋਰ ਪੁਲਾੜ ਯਾਤਰੀਆਂ ਨੂੰ ਲੈ ਕੇ, ਕੈਲੀਫੋਰਨੀਆ ਦੇ ਤੱਟ ਤੋਂ ਲਗਭਗ 3 ਵਜੇ ਭਾਰਤੀ ਸਮੇਂ ਅਨੁਸਾਰ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਡਿੱਗ ਪਿਆ।
ਇਸ ਮਿਸ਼ਨ ਨਾਲ ਸ਼ੁਕਲਾ, ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ (ISS) ਦਾ ਦੌਰਾ ਕਰਨ ਵਾਲੇ ਪਹਿਲੇ ਭਾਰਤੀ ਪੁਲਾੜ ਯਾਤਰੀ ਬਣਨ ਤੋਂ ਇਲਾਵਾ, ਰਾਕੇਸ਼ ਸ਼ਰਮਾ, ਜੋ ਕਿ 1984 ਦੇ ਸੋਵੀਅਤ ਮਿਸ਼ਨ ਤੋਂ ਬਾਅਦ ਪੁਲਾੜ ਵਿੱਚ ਸਿਰਫ਼ ਦੂਜੇ ਭਾਰਤੀ ਬਣ ਗਏ ਹਨ।
ਲਖਨਊ ਵਾਸੀ ਸ਼ੁਕਲਾ, ਜਿਸ ਨੇ 17 ਜੂਨ 2006 ਵਿੱਚ ਇੱਕ ਲੜਾਕੂ ਪਾਇਲਟ ਵਜੋਂ ਕਮਿਸ਼ਨ ਪ੍ਰਾਪਤ ਕਰਨ ਕੀਤਾ ਸੀ, ਨੇ ਆਪਣੀ 16 ਸਾਲਾਂ ਤੋਂ ਵੱਧ ਸੇਵਾ ਦੌਰਾਨ 2,000 ਤੋਂ ਵੱਧ ਘੰਟਿਆਂ ਦੀ ਉਡਾਣ ਦਾ ਤਜ਼ਰਬਾ ਵੀ ਹੈ। ਉਸਨੇ ਲੜਾਕੂ ਟੈਸਟ ਪਾਇਲਟ ਬਣ ਕੇ ਵੱਖ-ਵੱਖ ਜਹਾਜ਼ਾਂ ਵਿੱਚ ਤਜਰਬਾ ਹਾਸਲ ਕੀਤਾ ਹੈ, ਜਿਨ੍ਹਾਂ ਵਿੱਚ Su-30MKI, MIG-21, MIG-29, ਜੈਗੁਆਰ ਅਤੇ ਹਾਕ ਸ਼ਾਮਲ ਹਨ।
