ਬਾਲੀ, 3 ਜੁਲਾਈ, ਪੰਜਾਬੀ ਦੁਨੀਆ ਬਿਊਰੋ:
ਇੰਡੋਨੇਸ਼ੀਆ ਦੇ ਬਾਲੀ ਟਾਪੂ ਦੇ ਨੇੜੇ ਬੀਤੀ ਰਾਤ ਭਰ 65 ਲੋਕਾਂ ਨਾਲ ਭਰੀ ਇੱਕ ਕਿਸ਼ਤੀ ਡੁੱਬ ਗਈ, ਜਿਸ ਕਾਰਨ 2 ਵਿਅਕਤੀਆਂ ਦੀ ਮੌਤ ਹੋ ਗਈ ਜਦਕਿ 43 ਲੋਕ ਲਾਪਤਾ ਹੋ ਗਏ। ਇਸ ਦੌਰਾਨ ਰਾਸ਼ਟਰੀ ਖੋਜ ਅਤੇ ਬਚਾਅ ਕਾਰਜਾਂ ਵਿਚ ਲੱਗੀ ਏਜੰਸੀ ਨੇ ਦੱਸਿਆ ਕਿ 20 ਲੋਕਾਂ ਨੂੰ ਬਚਾਅ ਲਿਆ ਗਿਆ ਹੈ। ਏਜੰਸੀ ਨੇ ਦੱਸਿਆ ਕਿ ਕੇਐਮਪੀ ਤੁਨੂ ਪ੍ਰਤਾਮਾ ਜਯਾ ਕਿਸ਼ਤੀ ਬੁੱਧਵਾਰ ਦੇਰ ਰਾਤ ਪੂਰਬੀ ਜਾਵਾ ਦੇ ਕੇਟਾਪਾਂਗ ਬੰਦਰਗਾਹ ਤੋਂ ਰਵਾਨਾ ਹੋਣ ਤੋਂ ਲਗਭਗ 30 ਮਿੰਟ ਬਾਅਦ ਡੁੱਬ ਗਈ। ਇਹ ਕਿਸ਼ਤੀ ਬਾਲੀ ਦੇ ਗਿਲੀਮਾਨੁਕ ਬੰਦਰਗਾਹ ਵੱਲ ਜਾ ਰਹੀ ਸੀ, ਜੋ ਕਿ 50 ਕਿਲੋਮੀਟਰ ਦੀ ਯਾਤਰਾ ਸੀ।
ਬਚਾਅ ਏਜੰਸੀ ਅਨੁਸਾਰ, ਕਿਸ਼ਤੀ ਵਿੱਚ 53 ਯਾਤਰੀ, 12 ਚਾਲਕ ਦਲ ਦੇ ਮੈਂਬਰ ਅਤੇ 14 ਟਰੱਕਾਂ ਸਮੇਤ 22 ਵਾਹਨ ਸਵਾਰ ਸਨ।
