ਸ਼ੁਭਮਨ ਗਿੱਲ ਦੇ ਸੈਂਕੜੇ ਅਤੇ ਮੁਹੰਮਦ ਸ਼ਮੀ ਦੀ ਸ਼ਾਨਦਾਰ ਗੇਂਦਬਾਜ਼ੀ ਨੇ ਦਿਵਾਈ ਜਿੱਤ
ਭਾਰਤੀ ਟੀਮ ਦਾ ਅਗਲਾ ਮੈਚ ਐਤਵਾਰ 23 ਫਰਵਰੀ ਨੂੰ ਪਾਕਿਸਤਾਨ ਨਾਲ
ਨਵੀਂ ਦਿੱਲੀ, 21 ਫਰਵਰੀ, ਪੰਜਾਬੀ ਦੁਨੀਆ ਬਿਊਰੋ:
ਸਲਾਮੀ ਬੱਲੇਬਾਜ ਸ਼ੁਭਮਨ ਗਿੱਲ (ਨਾਬਾਦ 101, 9 ਚੌਕੇ, 2 ਛੱਕੇ) ਦੇ ਅੱਠਵੇਂ ਇੱਕ ਰੋਜ਼ਾ ਸੈਂਕੜੇ ਅਤੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਵਲੋਂ 10 ਓਵਰਾਂ ਵਿੱਚ 53 ਦੌੜਾਂ ਦੇ ਕੇ ਸ਼ਾਨਦਾਰ ਪੰਜ ਵਿਕਟਾਂ ਦੀ ਬਦੌਲਤ ਭਾਰਤ ਨੇ ਵੀਰਵਾਰ ਨੂੰ ਦੁਬਈ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿੱਚ ਗਰੁੱਪ ਏ ਦੇ ਇੱਕ ਮੈਚ ਵਿੱਚ ਬੰਗਲਾਦੇਸ਼ ਨੂੰ 6 ਵਿਕਟਾਂ ਨਾਲ ਹਰਾ ਕੇ 2025 ਚੈਂਪੀਅਨਜ਼ ਟਰਾਫੀ ਦੀ ਆਪਣੀ ਮੁਹਿੰਮ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ।
ਬੰਗਲਾਦੇਸ਼ ਵਲੋਂ ਮਿਲੇ ਟੀਚੇ 229 ਦੌੜਾਂ ਦਾ ਪਿੱਛਾ ਕਰਦੇ ਹੋਏ, ਭਾਰਤੀ ਕਪਤਾਨ ਰੋਹਿਤ (41, 7×4) ਅਤੇ ਗਿੱਲ ਨੇ 59 ਗੇਂਦਾਂ ਵਿੱਚ 69 ਦੌੜਾਂ ਦੀ ਵਧੀਆ ਸ਼ੁਰੂਆਤ ਕੀਤੀ।ਰੋਹਿਤ, ਤਸਕੀਨ ਨੂੰ ਇੱਕ ਚੌਕਾ ਮਾਰਨ ਦੀ ਕੋਸ਼ਿਸ਼ ਕਰਦਿਆਂ ਆਊਟ ਹੋ ਗਿਆ। ਇਸ ਦੌਰਾਨ ਭਾਰਤ ਨੇ ਵਿਰਾਟ ਕੋਹਲੀ (22), ਸ਼੍ਰੇਯਸ ਅਈਅਰ (15) ਅਤੇ ਅਕਸ਼ਰ ਪਟੇਲ (8) ਸਾਰੇ ਮਾੜੇ ਸ਼ਾਟ ਖੇਡਦਿਆਂ ਕੁਝ ਵਿਕਟਾਂ ਗੁਆ ਦਿੱਤੀਆਂ। ਭਾਰਤ 31ਵੇਂ ਓਵਰ ਵਿੱਚ ਚਾਰ ਵਿਕਟਾਂ ‘ਤੇ 144 ਦੌੜਾਂ ‘ਤੇ ਇੱਕ ਨਾਜ਼ੁਕ ਸਥਿਤੀ ਵਿੱਚ ਜਾਪ ਰਿਹਾ ਸੀ। ਉਪਰੰਤ ਗਿੱਲ ਨੇ ਕੇਐਲ ਰਾਹੁਲ (41 ਨਾਬਾਦ, 1×4, 2×6) ਦੇ ਨਾਲ ਮਿਲ ਕੇ 5ਵੀਂ ਵਿਕਟ ਲਈ ਅਜੇਤੂ ਸਾਂਝੇਦਾਰੀ ਵਿੱਚ 98 ਗੇਂਦਾਂ ਵਿੱਚ 87 ਦੌੜਾਂ ਜੋੜ ਕੇ ਭਾਰਤ ਨੂੰ ਜਿੱਤ ਦਿਵਾਈ।
ਇਸ ਤੋਂ ਪਹਿਲਾਂ, ਲਗਭਗ 14 ਮਹੀਨਿਆਂ ਬਾਅਦ ਆਪਣੇ ਸ਼ਾਹੀ ਸਰਵੋਤਮ ਪ੍ਰਦਰਸ਼ਨ ਕਰਦਿਆਂ ਮੁਹੰਮਦ ਸ਼ਮੀ 200 ਵਨਡੇ ਵਿਕਟਾਂ ਲੈਣ ਵਾਲੇ ਸਭ ਤੋਂ ਤੇਜ਼ ਭਾਰਤੀ ਗੇਂਦਬਾਜ਼ ਬਣੇ।ਬੰਗਲਾਦੇਸ਼ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ ਅਤੇ ਪਾਵਰ ਪਲੇਅ ਵਿੱਚ ਹੀ ਉਸ ਦੇ 35 ਦੌੜਾਂ ‘ਤੇ 5 ਖਿਡਾਰੀ ਆਊਟ ਹੋ ਗਏ। ਹਾਲਾਂਕਿ, ਤੌਹੀਦ ਹ੍ਰਿਦੋਏ ਦੇ ਬਹਾਦਰੀ ਭਰੇ ਪਹਿਲੇ ਇੱਕ ਰੋਜ਼ਾ ਸੈਂਕੜੇ (100, 6×4, 2×6) ਦੀ ਬਦੌਲਤ ਅਤੇ ਜੈਕਰ ਅਲੀ (68) ਨੇ ਚਾਰ ਚੌਕਿਆਂ ਦੀ ਬਦੌਲਤ, ਛੇਵੀਂ ਵਿਕਟ ਲਈ 206 ਗੇਂਦਾਂ ਵਿਚ 154 ਦੌੜਾਂ ਦੀ ਵਿਸ਼ਾਲ ਸਾਂਝੇਦਾਰੀ ਦੀ ਬਦੌਲਤ, ਬੰਗਲਾਦੇਸ਼ ਨੇ 49.4 ਓਵਰਾਂ ਵਿੱਚ 228 ਦੌੜਾਂ ਬਣਾਈਆਂ।
ਭਾਰਤੀ ਟੀਮ ਦਾ ਅਗਲਾ ਮੈਚ ਐਤਵਾਰ 23 ਫਰਵਰੀ ਨੂੰ ਕੱਟੜ ਵਿਰੋਧੀ ਪਾਕਿਸਤਾਨ ਨਾਲ ਹੋਵੇਗਾ।
