ਚੰਡੀਗੜ੍ਹ, 27 ਅਗਸਤ, ਪੰਜਾਬੀ ਦੁਨੀਆ ਬਿਊਰੋ:
ਪਾਸਪੋਰਟ ਸੇਵਾ ਪੋਰਟਲ 29 ਅਗਸਤ ਨੂੰ ਸ਼ਾਮ 8 ਵਜੇ ਤੋਂ 2 ਸਤੰਬਰ ਨੂੰ ਸਵੇਰੇ 6 ਵਜੇ ਤੱਕ ਤਕਨੀਕੀ ਰੱਖ-ਰਖਾਅ ਕਰਕੇ ਬੰਦ ਰਹੇਗੀ। ਇਹਨਾਂ ਦਿਨਾਂ ਦੌਰਾਨ ਪਾਸਪੋਰਟ ਸੇਵਾ ਪੋਰਟਲ ਆਮ ਲੋਕਾਂ ਲਈ ਉਪਲੱਬਧ ਨਹੀਂ ਹੋਵੇਗਾ।
ਇਸ ਦੌਰਾਨ ਅਧਿਕਾਰੀਆਂ ਨੇ ਦੱਸਿਆ ਕਿ 30 ਅਗਸਤ ਨੂੰ ਹੋਣ ਵਾਲੀਆਂ ਸਾਰੀਆਂ ਮੁਲਾਕਾਤਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ। ਇਸ ਦਿਨ ਲਈ ਪੱਕੀ ਮੁਲਾਕਾਤਾਂ ਵਾਲੇ ਬਿਨੈਕਾਰਾਂ ਨੂੰ ਉਹਨਾਂ ਦੀਆਂ ਮੁੜ-ਨਿਰਧਾਰਤ ਮੁਲਾਕਾਤਾਂ ਬਾਰੇ SMS ਸੂਚਨਾਵਾਂ ਪ੍ਰਾਪਤ ਹੋਣਗੀਆਂ।
ਇਸ ਤੋਂ ਇਲਾਵਾ ਚੰਡੀਗੜ੍ਹ ਦੇ ਸੈਕਟਰ 34-ਏ ਸਥਿਤ ਪਾਸਪੋਰਟ ਮੁੱਖ ਦਫ਼ਤਰ ਵਿਖੇ ਆਮ ਪੁੱਛਗਿੱਛ ਕਾਊਂਟਰ ਵੀ 30 ਅਗਸਤ ਨੂੰ ਬੰਦ ਰਹੇਗਾ।
