ਰਿਸ਼ਭ ਪੰਤ ਨੂੰ ਵਨ ਡੇ ਟੀਮ ਅਤੇ ਟੈਸਟ ਦੀ ਉਪ-ਕਪਤਾਨੀ ਤੋਂ ਛੁੱਟੀ
ਚੰਡੀਗੜ੍ਹ, 19 ਮਈ, ਪੰਜਾਬੀ ਦੁਨੀਆ ਬਿਊਰੋ:
ਬੀਸੀਸੀਆਈ ਨੇ ਮੰਗਲਵਾਰ ਅੱਜ ਸ਼ਾਮੀ ਆਗਾਮੀ ਅਫਗਾਨਿਸਤਾਨ ਦੌਰੇ ਲਈ ਭਾਰਤੀ ਵਨਡੇ ਅਤੇ ਟੈਸਟ ਟੀਮਾਂ ਦਾ ਐਲਾਨ ਕਰ ਦਿੱਤਾ ਹੈ। ਜਿਸ ਮੁਤਾਬਕ ਆਈਪੀਐਲ ਦੇ ਸਭ ਤੋਂ ਮਹਿੰਗੇ ਖਿਡਾਰੀ ਅਤੇ ਸਾਬਕਾ ਟੈਸਟ ਉਪ-ਕਪਤਾਨ, ਰਿਸ਼ਭ ਪੰਤ ਨੂੰ ਭਾਰਤੀ ਟੀਮ ਵਿਚੋਂ ਬਾਹਰ ਕਰ ਦਿੱਤਾ ਹੈ। ਉਸਨੇ ਨਾ ਸਿਰਫ ਫਾਰਮ ਵਿੱਚ ਚੱਲ ਰਹੇ ਈਸ਼ਾਨ ਕਿਸ਼ਨ ਲਈ ਆਪਣਾ ਵਨ ਡੇ ਟੀਮ ਵਿਚ ਸਥਾਨ ਗੁਆ ਦਿੱਤਾ, ਬਲਕਿ ਚੋਣ ਕਮੇਟੀ ਨੇ ਕੇਐਲ ਰਾਹੁਲ ਨੂੰ ਟੈਸਟ ਉਪ-ਕਪਤਾਨੀ ਸੌਂਪ ਦਿੱਤੀ ਹੈ।
ਦਿੱਗਜ ਬੱਲੇਬਾਜ਼ ਖਿਡਾਰੀ ਵਿਰਾਟ ਕੋਹਲੀ ਅਤੇ ਰੋਹਿਤ ਸ਼ਰਮਾ ਵਨ-ਡੇ ‘ਚ ਵਾਪਸੀ ਕਰ ਰਹੇ ਹਨ ਜਦਕਿ ਤੇਜ਼ ਗੇਂਦਬਾਜ਼ ਪ੍ਰਿੰਸ ਯਾਦਵ ਅਤੇ ਗੁਰਨੂਰ ਬਰਾੜ ਨੇ ਸਪਿਨਰ ਹਰਸ਼ ਦੂਬੇ ਦੇ ਨਾਲ-ਨਾਲ ਆਪਣਾ ਪਹਿਲਾ ਵਨ-ਡੇ ਕਾਲ-ਅਪ ਹਾਸਲ ਕੀਤਾ ਹੈ। ਗੁਰਨੂਰ ਅਤੇ ਦੂਬੇ ਨੂੰ ਵੀ 15 ਮੈਂਬਰੀ ਟੈਸਟ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ, ਜਿਸ ਵਿੱਚ ਸਪਿਨਰ ਮਾਨਵ ਸੁਥਾਰ ਨੂੰ ਵੀ ਟੈਸਟ ਟੀਮ ਵਿਚ ਥਾਂ ਮਿਲੀ ਹੈ।
ਪਿਛਲੇ ਸਾਲ ਨਵੰਬਰ ਵਿੱਚ ਦੱਖਣੀ ਅਫਰੀਕਾ ਤੋਂ ਘਰੇਲੂ ਮੈਦਾਨ ‘ਤੇ (0-2) ਹਾਰਨ ਤੋਂ ਬਾਅਦ ਭਾਰਤ ਦੀ ਪਹਿਲੀ ਅੰਤਰਰਾਸ਼ਟਰੀ ਲੜੀ ਲਈ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਅਤੇ ਸਪਿਨਰ ਅਜੇ ਜਡੇਜਾ ਨੂੰ ਆਰਾਮ ਦਿੱਤਾ ਗਿਆ ਹੈ।
ਭਾਰਤੀ ਟੈਸਟ ਟੀਮ ਇਸ ਤਰ੍ਹਾਂ ਹੈ : ਸ਼ੁਭਮਨ ਗਿੱਲ (ਕਪਤਾਨ), ਯਸ਼ਸਵੀ ਜੈਸਵਾਲ, ਕੇਐਲ ਰਾਹੁਲ (ਉਪ ਕਪਤਾਨ), ਸਾਈ ਸੁਧਰਸ਼ਨ, ਰਿਸ਼ਭ ਪੰਤ, ਦੇਵਦੱਤ ਪਡੀਕਲ, ਨਿਤੀਸ਼ ਕੁਮਾਰ ਰੈੱਡੀ, ਵਾਸ਼ਿੰਗਟਨ ਸੁੰਦਰ, ਕੁਲਦੀਪ ਯਾਦਵ, ਮੁਹੰਮਦ ਸਿਰਾਜ, ਪ੍ਰਸਿਧ ਕ੍ਰਿਸ਼ਨਾ, ਮਾਨਵ ਸੁਥਾਰ, ਗੁਰਨੂਰ ਬਰਾੜ, ਹਰਸ਼ ਦੁਬੇ, ਧਰੁਵ ਜੁਰੇਲ।
ਭਾਰਤੀ ਵਨਡੇ ਟੀਮ : ਸ਼ੁਭਮਨ ਗਿੱਲ (ਕਪਤਾਨ), ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ, ਸ਼੍ਰੇਅਸ ਅਈਅਰ (ਉਪ ਕਪਤਾਨ), ਕੇਐਲ ਰਾਹੁਲ, ਈਸ਼ਾਨ ਕਿਸ਼ਨ, ਹਾਰਦਿਕ ਪੰਡਯਾ, ਨਿਤੀਸ਼ ਕੁਮਾਰ ਰੈਡੀ, ਵਾਸ਼ਿੰਗਟਨ ਸੁੰਦਰ, ਕੁਲਦੀਪ ਯਾਦਵ, ਅਰਸ਼ਦੀਪ ਸਿੰਘ, ਪ੍ਰਸੀਦ ਕ੍ਰਿਸ਼ਨ, ਪ੍ਰਿੰਸ ਯਾਦਵ, ਗੁਰਨੂਰ ਬਰਾੜ ਅਤੇ ਹਰਸ਼ ਦੂਬੇ।
