ਪੁਡੂਚੇਰੀ ਦੇ ਚਾਰ ਵਾਰ ਮੁੱਖ ਮੰਤਰੀ ਰਹੇ ਰੰਗਾਸਾਮੀ ਪੰਜਵੀਂ ਵਾਰ ਚੋਣ ਮੈਦਾਨ ਵਿਚ ਨਿੱਤਰੇ
ਪੁਡੂਚੇਰੀ, 9 ਅਪ੍ਰੈਲ, ਪੰਜਾਬੀ ਦੁਨੀਆ ਬਿਊਰੋ:
ਵਿਧਾਨ ਸਭਾ ਚੋਣਾਂ 2026 ਤਹਿਤ, ਕੇਰਲ, ਅਸਾਮ ਅਤੇ ਪੁਡੂਚੇਰੀ ਵਿੱਚ ਅੱਜ ਨੂੰ ਇੱਕ ਪੜਾਅ ਵਿੱਚ ਵੋਟਾਂ ਪੈ ਰਹੀਆਂ ਹਨ। ਵੋਟਿੰਗ ਸਵੇਰੇ 7 ਵਜੇ ਸ਼ੁਰੂ ਹੋਈ ਅਤੇ ਸ਼ਾਮ 5 ਵਜੇ ਤੱਕ ਜਾਰੀ ਰਹੇਗੀ ਜਦਕਿ ਚੋਣ ਨਤੀਜੇ 4 ਮਈ ਨੂੰ ਐਲਾਨੇ ਜਾਣਗੇ।
126 ਮੈਂਬਰੀ ਅਸਾਮ ਵਿਧਾਨ ਸਭਾ ਲਈ ਭਾਜਪਾ, ਲਗਾਤਾਰ ਤੀਜੀ ਵਾਰ ਸੱਤਾ ਵਿੱਚ ਆਉਣ ਜੋਰ ਲਗਾ ਰਹੀ ਹੈ।
140 ਵਿਧਾਨ ਸਭਾ ਹਲਕਿਆਂ ਵਿੱਚ ਕੇਰਲ ਦੀਆਂ ਚੋਣਾਂ ਵਿੱਚ ਤਿੰਨ ਮੋਰਚਿਆਂ ਵਿਚਕਾਰ ਮੁਕਾਬਲਾ ਹੈ ਜਿਹਨਾਂ ਵਿੱਚ ਸੀਪੀਆਈ(ਐਮ)-ਅਗਵਾਈ ਵਾਲੀ ਐਲਡੀਐਫ, ਕਾਂਗਰਸ-ਅਗਵਾਈ ਵਾਲੀ ਯੂਡੀਐਫ ਅਤੇ ਭਾਜਪਾ-ਅਗਵਾਈ ਵਾਲੀ ਐਨਡੀਏ।
ਪੁਡੂਚੇਰੀ ਵਿੱਚ 30 ਸੀਟਾਂ ਲਈ ਵੋਟਿੰਗ ਹੋ ਰਹੀ ਹੈ। ਕੇਂਦਰ ਸ਼ਾਸਤ ਪ੍ਰਦੇਸ਼ ਇਸ ਸਮੇਂ ਆਲ ਇੰਡੀਆ ਐਨਆਰ ਕਾਂਗਰਸ (ਏਆਈਐਨਆਰਸੀ) ਦੀ ਅਗਵਾਈ ਵਾਲੇ ਗੱਠਜੋੜ ਦਾ ਦਬਦਬਾ ਹੈ। ਪੁਡੂਚੇਰੀ ਦੇ ਚਾਰ ਵਾਰ ਮੁੱਖ ਮੰਤਰੀ ਰਹੇ ਅਤੇ ਮਸ਼ਹੂਰ ਰਣਨੀਤੀਕਾਰ ਰੰਗਾਸਾਮੀ ਪੰਜਵੀਂ ਵਾਰ ਚੋਣ ਦੌੜ ਵਿੱਚ ਹਨ।
ਇਸ ਤੋਂ ਇਲਾਵਾ, ਗੁਜਰਾਤ, ਕਰਨਾਟਕ, ਮਹਾਰਾਸ਼ਟਰ, ਨਾਗਾਲੈਂਡ ਅਤੇ ਤ੍ਰਿਪੁਰਾ ਦੇ ਕਈ ਵਿਧਾਨ ਸਭਾ ਹਲਕਿਆਂ ਲਈ ਉਪ ਚੋਣਾਂ ਵੀ ਅੱਜ ਹੀ ਹੋ ਰਹੀਆਂ ਹਨ।
