ਮੋਹਾਲੀ, 28 ਅਪ੍ਰੈਲ, ਪੰਜਾਬੀ ਦੁਨੀਆ ਬਿਊਰੋ:
ਕੈਂਸਰ ਸਰਵਾਈਵਰ ਅਤੇ ਆਈ.ਵੀ.ਵਾਈ ਹਸਪਤਾਲ ਮੋਹਾਲੀ ਦੇ ਡਾਕਟਰਾਂ ਸਮੇਤ 300 ਤੋਂ ਵੱਧ ਲੋਕਾਂ ਨੇ ਐਤਵਾਰ ਨੂੰ ਕੈਂਸਰ ਜਾਗਰੂਕਤਾ ਸਬੰਧੀ ਵਾਕਾਥਨ ਵਿੱਚ ਹਿੱਸਾ ਲਿਆ।ਵਾਕਾਥਨ ਨੂੰ ਨਰਗਿਸ ਦੱਤ ਫਾਊਂਡੇਸ਼ਨ ਦੀ ਚੇਅਰਪਰਸਨ ਅਤੇ ਟਰੱਸਟੀ ਪ੍ਰਿਆ ਦੱਤ ਅਤੇ113 ਸਾਲਾ ਬਜ਼ੁਰਗ ਮੈਰਾਥਨ ਦੌੜਾਕ ਫੌਜਾ ਸਿੰਘ ਨੇ ਆਈਵੀਵਾਈ ਹਸਪਤਾਲ ਤੋਂ ਸਾਂਝੇ ਤੌਰ ‘ਤੇ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ।
ਇਸ ਮੌਕੇ ਪ੍ਰਿਆ ਦੱਤ ਨੇ ਕੈਂਸਰ ਪ੍ਰਤੀ ਜਾਗਰੂਕਤਾ ਵੱਲ ਧਿਆਨ ਦੇਣ ਦੀ ਲੋੜ ‘ਤੇ ਜ਼ੋਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਕੈਂਸਰ ਨੂੰ ਜਲਦੀ ਪਤਾ ਲਗਾਉਣ ਅਤੇ ਸਮੇਂ ਸਿਰ ਇਲਾਜ ਨਾਲ ਹਰਾਇਆ ਜਾ ਸਕਦਾ ਹੈ। ਇਲਾਜ ਵਿੱਚ ਦੇਰੀ ਘਾਤਕ ਹੋ ਸਕਦੀ ਹੈ। ਕੈਂਸਰ ਇੱਕ ਕਲੰਕ ਜਾਂ ਜੀਵਨ ਦਾ ਅੰਤ ਨਹੀਂ ਹੈ। ਸ਼ੁਰੂਆਤੀ ਪੜਾਅ ਵਿੱਚ ਹੀ ਇਸ ਦਾ ਪਤਾ ਲੱਗ ਜਾਣਾ ਚਾਹੀਦਾ ਹੈ।
ਪ੍ਰਿਆ ਦੱਤ ਨੇ ਅੱਗੇ ਕਿਹਾ ਕਿ 1981 ਵਿੱਚ ਨਰਗਿਸ ਦੱਤ ਦੀ ਕੈਂਸਰ ਨਾਲ ਮੌਤ ਤੋਂ ਬਾਅਦ ਉਨ੍ਹਾਂ ਦੇ ਪਿਤਾ ਮਰਹੂਮ ਸੁਨੀਲ ਦੱਤ ਦੁਆਰਾ ਫਾਊਂਡੇਸ਼ਨ ਦੇ ਗਠਨ ਤੋਂ ਬਾਅਦ, ਫਾਊਂਡੇਸ਼ਨ ਨੇ ਕੈਂਸਰ ਬਾਰੇ ਜਾਗਰੂਕਤਾ ਪੈਦਾ ਕਰਨ ਦੇ ਨਾਲ-ਨਾਲ ਕੈਂਸਰ ਨਾਲ ਲੜਨ ਦੇ ਮਰੀਜ਼ਾਂ ਦੀ ਮਦਦ ਕਰਨ ਦੀ ਦਿਸ਼ਾ ਵਿੱਚ ਕੰਮ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਬਹੁਤ ਸਾਰੀਆਂ ਚੁਣੌਤੀਆਂ ਦੇ ਬਾਵਜੂਦ ਕੈਂਸਰ ਦੇ ਮਰੀਜ਼ਾਂ ਦੀ ਮਦਦ ਲਈ ਸਾਡੀ ਯਾਤਰਾ ਪੂਰੀ ਮਿਹਨਤ ਅਤੇ ਲਗਨ ਨਾਲ ਜਾਰੀ ਹੈ।ਆਈ.ਵੀ.ਵਾਈ ਹਸਪਤਾਲ ਮੋਹਾਲੀ ਦੇ ਸਰਜੀਕਲ ਓਨਕੋਲੋਜੀ ਦੇ ਡਾਇਰੈਕਟਰ ਡਾ ਵਿਜੇ ਬਾਂਸਲ ਨੇ ਦੱਸਿਆ ਕਿ ਭਾਰਤ ਵਿੱਚ 30 ਲੱਖ ਲੋਕ ਕੈਂਸਰ ਤੋਂ ਪੀੜਤ ਹਨ, ਜਿਨ੍ਹਾਂ ਵਿੱਚੋਂ 11 ਲੱਖ ਨਵੇਂ ਕੇਸ ਹਨ। ਜਾਗਰੂਕਤਾ ਹੀ ਮਿੱਥ ਨੂੰ ਰੋਕਣ ਦਾ ਇੱਕੋ ਇੱਕ ਰਸਤਾ ਹੈ। 100 ਵਿੱਚੋਂ 98 ਲੋਕ ਕੈਂਸਰ ਬਾਰੇ ਸੱਚਾਈ ਤੋਂ ਅਣਜਾਣ ਹੋਣਗੇ। ਲੋਕਾਂ ਨੂੰ ਇਹ ਵੀ ਨਹੀਂ ਪਤਾ ਕਿ ਇਹ ਸਥਿਤੀ ਕਿਵੇਂ ਵਿਕਸਿਤ ਹੁੰਦੀ ਹੈ ਅਤੇ ਫਿਰ ਇਸਦਾ ਇਲਾਜ ਕਿਵੇਂ ਕਰਨਾ ਹੈ।”ਜੀਤੋ ਫਾਊਂਡੇਸ਼ਨ ਤੋਂ ਦੀਪਾ ਸ਼ੇਰਗਿੱਲ, ਰੇਡੀਏਸ਼ਨ ਓਨਕੋਲੋਜੀ ਡਾਇਰੈਕਟਰ ਡਾ ਮੀਨਾਕਸ਼ੀ ਮਿੱਤਲ, ਕੰਸਲਟੈਂਟ ਰੇਡੀਓ ਓਨਕੋਲੋਜੀ ਡਾ ਮੀਨਾਕਸ਼ੀ ਸ਼ਰਮਾ, ਯੋਗਾ ਇੰਫਲੂਐਂਸਰ ਤ੍ਰਿਪਾਲ ਸਿੰਘ, ਮੁਹਾਲੀ ਸੀਨੀਅਰ ਸਿਟੀਜ਼ਨ ਐਸੋਸੀਏਸ਼ਨ ਦੇ ਪ੍ਰਧਾਨ ਕੈਪਟਨ ਜਗਦੇਵ ਸਿੰਘ, ਡਾਇਰੈਕਟਰ ਪ੍ਰਸ਼ਾਸਨ ਸੀਜੀਸੀ ਲਾਂਡਰਾਂ ਮੇਜਰ ਹਰਜੀਤ ਸਿੰਘ ਔਲਖ ਅਤੇ ਕੌਂਸਲਰ ਸੈਕਟਰ 70 ਮੋਹਾਲੀ ਸੁਖਦੇਵ ਸਿੰਘ ਵੀ ਇਸ ਮੌਕੇ ਹਾਜ਼ਰ ਸਨ।
