ਨਿਊ ਚੰਡੀਗੜ੍ਹ, 15 ਜੂਨ, ਪੰਜਾਬੀ ਦੁਨੀਆ ਬਿਊਰੋ:
ਐਤਵਾਰ ਨੂੰ ਈਕੋ ਸਿਟੀ-1 ਵਿੱਚ ਰੈਜ਼ੀਡੈਂਟ ਵੈਲਫੇਅਰ ਐਸੋਸੀਏਸ਼ਨ ਅਤੇ ਸੁੰਦਰ ਕਾਂਡ ਮਹਿਲਾ ਸੰਕੀਰਤਨ ਮੰਡਲੀ, ਬਲਾਕ-ਬੀ, ਸੈਕਟਰ 6 ਵੱਲੋਂ ਠੰਡੇ-ਮਿੱਠੇ ਜਲ ਦੀ ਛਬੀਲ ਦਾ ਵੇਰਕਾ ਬੂਥ, ਬਲਾਕ-ਬੀ ਨੇੜੇ ਛਬੀਲ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਸਥਾਨਕ ਲੋਕਾਂ ਅਤੇ ਰਾਹਗੀਰਾਂ ਨੂੰ ਦਿਨ ਭਰ ਛੋਲੇ ਅਤੇ ਕੜਾਹ ਪ੍ਰਸ਼ਾਦ ਦੇ ਨਾਲ ਠੰਡਾ ਮਿੱਠਾ ਪਾਣੀ ਪਰੋਸਿਆ ਗਿਆ। ਆਰਡਬਲਯੂਏ ਅਤੇ ਐਸਐਮਐਸਐਮ ਮੈਂਬਰਾਂ ਨੇ ਇਸ ਮਾਨਵ ਸੇਵਾ ਵਿੱਚ ਉਤਸ਼ਾਹ ਨਾਲ ਯੋਗਦਾਨ ਪਾਇਆ।
ਜ਼ਿਕਰਯੋਗ ਹੈ ਕਿ ਆਰਡਬਲਯੂਏ (RWA) ਹਰ ਸਾਲ ਗੁਰੂ ਨਾਨਕ ਦੇਵ ਜਯੰਤੀ ਅਤੇ ਸ਼ਿਵਰਾਤਰੀ ਦੇ ਮੌਕੇ ‘ਤੇ ਭੰਡਾਰੇ ਦਾ ਆਯੋਜਨ ਕਰਦਾ ਹੈ, ਜਿਸ ਵਿੱਚ ਸਾਰੇ ਸਥਾਨਕ ਲੋਕ ਪੂਰਾ ਸਹਿਯੋਗ ਦਿੰਦੇ ਹਨ।
ਇਸ ਮੌਕੇ ਐਡਵੋਕੇਟ ਕੁਲਦੀਪ ਸੈਣੀ, ਜਸਵੰਤ ਠਾਕੁਰ, ਜਗਦੀਸ਼ ਪਠਾਨੀਆ, ਸੰਦੀਪ, ਡਾ. ਹਿਤੇਂਦਰ ਅਤੇ ਹੋਰਾਂ ਨੇ ਇਸ ਪਵਿੱਤਰ ਕਾਰਜ ਵਿੱਚ ਉਤਸ਼ਾਹ ਨਾਲ ਹਿੱਸਾ ਲਿਆ।
