ਮੋਹਾਲੀ/ਚੰਡੀਗੜ੍ਹ 21 ਜੂਨ, ਪੰਜਾਬੀ ਦੁਨੀਆ ਬਿਊਰੋ:
ਸੀਮਾ ਸੁਰੱਖਿਆ ਬਲ (ਪੱਛਮੀ ਕਮਾਂਡ) ਚੰਡੀਗੜ੍ਹ ਦੇ ਲਖਨੌਰ (ਮੋਹਾਲੀ) ਸਥਿਤ ਕੈਂਪਸ ਵਿੱਚ ਸੀਮਾ ਸੁਰੱਖਿਆ ਬਲ ਦੇ ਅਧਿਕਾਰੀਆਂ, ਜਵਾਨਾਂ ਅਤੇ ਉਨ੍ਹਾਂ ਦੇ ਪਰਿਵਾਰ ਦੇ ਮੈਂਬਰਾਂ ਦੁਆਰਾ ‘ਯੋਗ ਫਾਰ ਵੰਨ ਅਰਥ, ਵੰਨ ਹੈਲਥ’ ਦੀ ਥੀਮ ‘ਤੇ 11ਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ ਸਮਾਰੋਹ ਦਾ ਆਯੋਜਨ ਸ਼੍ਰੀ ਪ੍ਰਮੋਦ ਕੁਮਾਰ ਯਾਦਵ, ਇੰਸਪੈਕਟਰ ਜਨਰਲ (ਐੱਚਆਰ ਅਤੇ ਲੌਜਿਸਟਿਕਸ), ਹੈੱਡਕੁਆਰਟਰ ਸੀਮਾ ਸੁਰੱਖਿਆ ਬਲ (ਪੱਛਮੀ ਕਮਾਂਡ) ਦੀ ਅਗਵਾਈ ਹੇਠ ਪੂਰੇ ਉਤਸ਼ਾਹ ਅਤੇ ਜੋਸ਼ ਨਾਲ ਕੀਤਾ ਗਿਆ।
ਸਮਾਰੋਹ ਦਾ ਆਯੋਜਨ ਉਤਸ਼ਾਹ ਅਤੇ ਜੋਸ਼ ਨਾਲ ਭਰੇ ਵਾਤਾਵਰਣ ਵਿੱਚ ਪਤੰਜਲੀ ਯੋਗ ਸਮਿਤੀ, ਚੰਡੀਗੜ੍ਹ ਖੇਤਰ ਦੇ ਸ਼੍ਰੀ ਸਟੇਟ ਇੰਚਾਰਜ ਅਤੇ ਅਭਿਆਸ ਗੁਰੂ ਸ਼੍ਰੀ ਵਿਨੋਦ ਭਾਰਦਵਾਜ ਜੀ ਅਤੇ ਉਨ੍ਹਾਂ ਦੀ ਟੀਮ ਦੇ ਮਾਰਗਦਰਸ਼ਨ ਵਿੱਚ ਵੱਖ-ਵੱਖ ਯੋਗ ਮੁਦਰਾਵਾਂ ਦਾ ਅਭਿਆਸ ਕਰਕੇ ਕੀਤਾ ਗਿਆ। ਸੀਮਾ ਸੁਰੱਖਿਆ ਬਲ ਪੱਛਮੀ ਕਮਾਂਡ ਹੈੱਡਕੁਆਰਟਰ ਕੰਪਲੈਕਸ ਦੇ ਸਾਰੇ ਅਧਿਕਾਰੀਆਂ, ਕਰਮਚਾਰੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੇ ਯੋਗ ਮਾਨਸਿਕ ਤਣਾਅ ਤੋਂ ਰਾਹਤ, ਸਰੀਰਕ ਅਤੇ ਮਾਸਪੇਸ਼ੀਆਂ ਦੀ ਤਾਕਤ ਵਧਾਉਣਾ, ਸੰਤੁਲਨ ਬਣਾਈ ਰੱਖਣਾ, ਸਟੈਮਿਨਾ ਵਿੱਚ ਸੁਧਾਰ ਕਰਨਾ ਆਦਿ ਸਹਿਤ ਇਸ ਦੇ ਅਣਗਿਣਤ ਲਾਭਾਂ ਨੂੰ ਇਕਜੁੱਟ ਕਰਨ ਲਈ ਆਪਣੇ ਆਪ ਨੂੰ ਵਚਨਬੱਧ ਕੀਤਾ ਅਤੇ ਇਸ ਦਾ ਪੂਰਾ ਲਾਭ ਲਿਆ।
ਸੀਮਾ ਸੁਰੱਖਿਆ ਬਲ (ਪੱਛਮੀ ਕਮਾਂਡ) ਚੰਡੀਗੜ੍ਹ ਤੋਂ ਇਲਾਵਾ, ਇਸ ਸਮਾਰੋਹ ਅਧੀਨ ਆਉਣ ਵਾਲੇ ਸਾਰੇ ਸਬੰਧਿਤ ਹੈੱਡਕੁਆਰਟਰਾਂ ਅਤੇ ਸਰਹੱਦੀ ਚੌਕੀਆਂ ਵਿੱਚ ਵੀ ਪੂਰੇ ਜੋਸ਼ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ।
