ਚੰਡੀਗੜ੍ਹ, 3 ਮਈ, ਮਨਜੀਤ ਸਿੰਘ ਚਾਨਾ :
ਵਿਸ਼ਵ ਵਿਰਾਸਤ ਦਿਵਸ ਸਮਾਰੋਹ ਦੇ ਤਹਿਤ AKSIPS 41 ਸਮਾਰਟ ਸਕੂਲ ਦੇ ਛੇਵੀਂ ਜਮਾਤ ਦੇ ਵਿਦਿਆਰਥੀਆਂ ਨੇ ਅੱਜ ਸੰਘੋਲ ਬੋਧੀ ਪੁਰਾਤੱਤਵ ਅਜਾਇਬ ਘਰ ਦਾ ਦੌਰਾ ਕੀਤਾ, ਜਿੱਥੇ ਹੜੱਪਾ ਕਾਲ ਦੀਆਂ ਸਾਰੀਆਂ ਕਿਸਮਾਂ ਦੀਆਂ ਖੁਦਾਈ ਕੀਤੀਆਂ ਚੀਜ਼ਾਂ ਜਿਵੇਂ ਮਿੱਟੀ ਦੇ ਬਰਤਨ, ਗਹਿਣੇ, ਅਤੇ ਪੱਥਰ ਅਤੇ ਟੈਰਾਕੋਟਾ ਦੇ ਬਣੇ ਭਾਂਡੇ ਦਿਖਾਏ ਗਏ ਹਨ। ਇਸ ਦੌਰਾਨ ਵਿਦਿਆਰਥੀਆਂ ਨੂੰ ਸਾਡੇ ਸਮਾਰਕਾਂ ਅਤੇ ਵਿਰਾਸਤੀ ਸਥਾਨਾਂ ਨੂੰ ਸੰਭਾਲਣ ਦੀ ਮਹੱਤਤਾ ਬਾਰੇ ਜਾਗਰੂਕ ਕੀਤਾ ਗਿਆ। ਉਨ੍ਹਾਂ ਸੰਘੋਲ ਵਿਖੇ ਖੁਦਾਈ ਵਾਲੀ ਥਾਂ ਦਾ ਵੀ ਦੌਰਾ ਕੀਤਾ ਅਤੇ ਵਿਦਿਆਰਥੀਆਂ ਨੇ ਆਪਣੀਆਂ ਖੋਜਾਂ ਅਤੇ ਅਧਿਐਨਾਂ ਨੂੰ ਰਿਕਾਰਡ ਕਰਨ ਲਈ ਇੱਕ ਵਰਕਸ਼ੀਟ ਪੂਰੀ ਕੀਤੀ। ਵਿਦਿਆਰਥੀਆਂ ਲਈ ਅਜਾਇਬ ਘਰ ਦਾ ਇਹ ਦੌਰਾ ਸਿਖਲਾਈ ਦਾ ਇੱਕ ਵਧੀਆ ਅਨੁਭਵ ਸਾਬਤ ਹੋ ਨਿਬੜਿਆ।
